السلام عليكم اني مشكلتي تختلف كلش عن باقي المشاكل من زمان اتمنى احچي واكون مترددة اكول لا بلكي يتحسن وضعنا وهي مشكلتي عائلية احنا عائلة چبيرة 8 اشخاص واني الچبيرة ابوي موظف منتسب كاعدين ايجار راح يصير النا اربع سنوات چنه كاعدين بيت هوا النه حواسم بس بسبب المنطقة تعبانه وخدماتها فـ اجرنا واجرنة بغير مكان المهم سنتين كعدنة بيت وسنتين هاي حيصير بيت ثاني ابوي من نوع الي ما يهتم ما يشوف بعينه بس الي يشوفه يكول يهتم وو. لكن عائلة بيته ماتشوفه هيج يابه سوي حل لشوكت احنا نبقى كاعدين ايجار ومتبهذلين لا بيت لا عيشة لا راحة والله بس الفكر والامراض لافيتنة وهوا سادها بوجهنة يابه اسحب قرض سلفة؟ ماكو مسدودة اني فكر وانتم فكر؟ وهوا بس يبجي بوجه الله زين تفائل بالخير لا ميتفائل نهائيا والله اليسوى وال ما يسوى يحچي علينه ويشمتون حتى من يمنه وبينه والناس الها اظاهر وابوي كل چارة مدا تصيرلة وبس اني الي شايلة همهم وافكر بيهم وميته قهر وكل يوم اكول خاف يجي يوم ونشيل وين نروح والشوكت نبقى هيج حرفيا تعبنا واني تعبت من تفكير حتى موقفة حياتي وقسمتي بسبب اهلي لان ماكدر افكر بيها بكد ما افكر بيهم كلولي شنو الحل؟