اريد نصيحة لان محتارة ، عندي صديقة انسانة تجنن قمة بالرقي ومثقفة وتعبانة على نفسها وانا حيل احبها وعلاقتي بيها قوية وندرس سوة بنفس الكلية ، المشكلة ان البنية اتوقع تعاني من مشكلة هرمونية او مااعرف السبب لكن ريحتها جداً قوية ومو طيبة ودائما هيج بغض النظر عن الجو ، ف انا بالبداية حتى لا اجرحها ظليت المح وانتقد الناس الميهتمون بنظافتهم كبالها ودوم افتح هيج مواضيع واخليها تشارك بالنقاش حتى اعرف ردة فعلها لكن البنية نظيفة بصورة عامة وهي هم تنتقدهم ، ف اخر شي صديقتنا الثانية ملاحظة همين واتفقنا ان وحدة تحاجيها وتنبهها حتى لا احد ينتقدها او تسمع حجاية ، ف انا حاجيتها على الموضوع بطريقة جدا مهذبة وكلتلها حبيبتي اليوم لاحظت بيج كذا وكذا ف انتبهي واستعملي فلان شغلة وهي تشكرتني وما ضاجت ، بس السالفة ماانحلت لهسه وحيل مقهورة عليها الله شاهد ، شنو اسوي؟ لان اكيد الطلاب ملاحظتها وانا حاجيتها والريحة جدا قوية مو فد شي بسيط بس من قرب واحد يلاحظه ومادام انا صديقتها ف لازم ماارضى تتعرض لاي احراج ف اريد تقترحولي حل فدوة كون ما يجرحها وبنفس الوقت يحل المشكلة واتمنى من كل كلبي محد ينتقدها بحرف .