السلام عليكم.. مشكلتي ماعرف شنو حلها زوجي يحبني وعلاقتنه حلوة وعدنه طفلة لكن بالفترة الاخيرة لاحظت تغيير مو طبيعي يعني يعصب ع ابسط الاشياء واني والله ما احجي كلمة وحدة بس مرة من المرات جان معصب ويريد مي اجيت ركض انطيته بس ماسكت بقى يرزل بية كدام اهله طلعت برا اجه وراي وماحجيت بس بقى يسب اهلي كتله كافي المهم عصب مني وضرب راسي براس بنتي اني بقيت ابجي وهو طلع وكلت لعيالي خابرت لامي راح تجي تاخذني اني جذب مامخابرة بس هيج اخوفهم المهم حماي عمره تقريباً 45 متزوج وطالع من البيت اتصل عليه زوجي اجاني وبقى يضرب بية واني حامل واني والله ممسويه شي بس كلتلهم خابرت لامي وها غلط ع بابا كتله بابا يشرفك (جنت منهارة بوقتها ومادري شحجيت) وهسه هوه لزمها علية لزمة يكول انا طكيتها لان غلطت علية وعايف جهاله ومرته يمنه بنفس البيت واني احبهم واشتريلهم كلشي واقري جهاله بس ماقدر هالشي + دائماً اشوفه يبوك فلوس من سيارة زوجي وابقى ساكته ، وهسه اهلي يردوني اطلك بس اني عندي امل بزوجي بلكت نطلع بيت بوحدنه لان حالتنه المادية زينه + اهلي رادو ياخذوني بوقتها لان ماتحملت واتصلت عليهم صدك بس بعدين اني رفضت اروح خفت يطلكون