اني دوم اطلب طلبات من النت ويجيني توصيل للبيت واستلمها ، المهم قبل فتره طلبت من بيج سجاده محفور بيها اسمي ومن اجاني الطلب مختلف تماما عن الصور الناشريها والوان مختلفه اصلا وخط الكتابه معدوم كانو فقط حفر المشكله انو من رجعت الطلب ام البيج تواصلت وياي وضلت تدعي عليه وحسبي الله وخصيمج الله وما مسامحتج واخذ حقي منج بيوم القيامه ومن هذا الكلام ، اني بنيه مصليه واخاف رب العالمين سوالي هل هي الها حق تدعي عليه وفعلا اني ظلمتها ؟! والله العظيم شغلها لو مضبوط ومثل ما طلبته مجان رجعت ولو ظلمتها فعلا شون كفارتها لان دعاويها عليه مرعبه مع انو هي المقصره وياي